الأحد، 24 يونيو 2007

التبيان في اقتتال الاخوان

التبيان في اقتتال الاخوان
وقائع ماجري في قطاع غزة بين حماس وفتح
الحلقة الاولي

بداية انا عارف ان في ناس كتير كتبت واتكلمت في الموضوع ده قبلي وانا بصراحة مكنتش ناوي اكتب لكني للاسف الشديد جدا لقيت حملة كبيرة من التضليل الاعلامي والتعتيم الصهيو عربي امريكي علي الناس وللاسف الشديد ناس كتير من اخوانا انجروا ورا الموضوع من غير مايقصدوا الا من رحم ربي عشان كده لقيت من واجبي ان لازم اكتب واقول حتي لو كان الكلام معاد واتقال قبل كده

بداية الحكاية

من اين أبدا ، من بداية الحكاية ام من بداية النهاية لجميع الاطراف لابدا من بداية الحكاية في ايجاز لاصل الي النهاية
البداية كانت مع ظهور تيار جديد داعي للكفاح والجهاد المسلح ضد الصهاينة اسمه حركة المقاومة الاسلامية حماس عام 1987 علي يد مؤسسها شيخ المجاهدين الشيخ احمد ياسين وطبعا الحركة مظهرتش من الفراغ انما ظهرت من رحم الشعب الفلسطيني وده بعد تخلي قادة منظمة التحرير عن واجبهم في تحرير الارض واسترداد المقدسات الي الاكتفاء بالمفاوضات والجلوس للحوار مع الصهاينة الذين يعرف العالم كله منذ قدم التاريخ مدي وفائهم بالمعاهدات والمواثيق يعني عد معايا كام معاهدة من ساعة اليهود ما احتلوا اراضينا هتتعب من العد ولو فكرت تعد كام معاهدة اتطبقت هتتعب اكتر لان في الغالب المعاهدات مش بتتطبق غير علينا احنا بس
وبعدين
اللي باعوا الارض في اوسلو وغيرها كان صعب عليهم انهم يشوفوا كل ده بيروح من بين ايديهم وكان الحل حملة كبيرة من التضييق والخناق والاعتقالات لرموز الحركة ولك ان تتخيل ان كبار حركة حماس دخلوا معتقلات السلطة لفترة كبيرة تكاد تتساوي او تفوق فترة اعتقالهم من الصهاينة ولن انسي ابدا وانا صغير لما كنت بشوف في التليفزيون صور ناس بتقفل مباني بالسلاسل والجنازير وبتكتب عليها هذا المقر مغلق بامر من السلطة الوطنية ولما كنت بسال جدي هما مين اللي صح ومين اللي غلط وليه بيعملوا كده في ناس بتجاهد ضد الصهاينة كان يهز راسه ويتحسر ومكنش بيجاوب لان للاسف الشديد مفيش اجابة ؟؟؟؟؟


استمر الحال علي كده فترة كبيرة لحد ما مات ياسر عرفات وانا هنا مش هتكلم عنه ابدا لان ده مش مجاله المهم مسك محمود عباس او ابومازن السلطة الفلسطسنية ويقال عند ناس كتير انه المنصب ده كان احق بيه ناس غيره لكن ده برضه مش مجالنا
كان من اهم غلطات ابو مازن في الفترة دي انه نزع صلاحيات من ناس كتير جدا في فتح وخلاها في ايد المدعو محمد دحلان عن طريق جعل التصرف في كل الاموال من خلال وزارة المالية فقط الخاضعة لاشرافه المباشر وساعد بعد كده في اضعاف كتائب شهداء الاقصي - اللي هي اساسا واحدة من اكبر مشاكله – في الواقع الفلسطيني بطرق ظاهرة
وباطنة


بس رغم كل ده حماس مش نايمة كانت متيقظة قوي ولما جت الفرصة لانقاذ فلسطين من ايدي الخونة وتحديدا في انتخابات المجلس التشريعي في 25/1/2006 دخلت حماس الانتخابات وفي عملية انتخابية شفافة لدرجة مذهلة شهد بها العدو قبل الصديق وفي نتائج انتخابات اذهلت العالم اكتسحت حماس الانتخابات وفازت باغلبية ساحقة ادتها الحق انها تشكل الحكومة وفعلا اتشكلت الحكومة و
بس لحظة من فضلك
الموضوع مش ماشي بالسهولة دي في البداية حماس عرضت علي الفصائل انها تشارك في حكومة شاملة لكن للاسف الفصائل كلها رفضت ، الجهاد الاسلامي اعلنت مبدا واضح وهو اننا حركة مقاومة بالاساس مش حركة سياسية - وده موقف يحفظ لهم - وكان رد حماس اننا ايد بتبني وايد بتقاوم
اما فتح بقي فاستخفت بالموضوع - او قول التيار العميل للصهاينة داخل فتح والمسيطر علي القرار فيها – وافتكرت ان كون حماس حركة مقاومة هيضعف من موقفها ومش هتمشي الامور وكنوع من اضعافها والعمل علي سقوطها رفضت فتح حكومة الوحدة الوطنية وبكده شكلت حماس الحكومة ومسك اسود حماس الوزارات المختلفة وتحول المجاهدون القدامي ممن ارتادوا سجون العدو الي وزراء يتحدثون باسم الناس لان هذا هو المكافاة الطبيعية لمن حمل هم الناس وهم القضية علي عاتقه ودعا لتحرير ارضه لا من فرط فيها للصهاينة بالمفاوضات

يومها وقف احد اكبر جنرالات الصهاينة بيقول الخوف كله من اسلمة القضية يعني عدوك عرفك السلاح اللي بيخاف منه لكن رغم كده تواطأ العرب جميعا وانا بقول جميعا مع الصهاينة والامريكان ضد حماس
الصهاينة قلقهم وجود حكومة هدفها الاول هو تحرير ارض فلسطين بالكامل وطرد الصهاينة منها وقلقهم كمان خروج حبايبهم بتوع السلام من الحكومة هما كل اللي عايزينه واحد عمال يقول سلام سلام مفاوضات وبس انما سلاح تحرير مقاوم لا ده خطر علينا قوي
اما الحكومات العربية قلقهم وجود حكومة اسلامية جت عن طريق الانتخابات النزيهة
عشان كده بدا الصهاينة والامريكان ومعاهم الحكومات العربية حملة كبيرة للتضييق والخناق علي حركة حماس عن طريق فرض حصار شامل علي قطاع غزة وعلي تنقلات الحكومة ورفض استقبال أي من ممثلي الحكومة علي أي ارض من اراضيها في الوقت اللي كانوا بيستقبلوا فيه الصهاينة عادي جدا ولا كأن في أي حاجة
وكان علي حماس حاجة من اتنين اما تتنازل عن ثوابتها وتتفاوض مع الصهاينة او تكمل في الحصار وشروط الصهاينة والامريكان لحظتها كانت واضحة قوي وهي الاعتراف بالكيان الصهيوني والقاء السلاح والعودة للمفاوضات والاعتراف بكل المعاهدات السابقة بين السلطة والصهاينة وطبعا حماس رفضت رفض تام لكل الشروط دي لانها ببساطة تنازل للاحتلال عن اللي باقي من الارض



خلي بالك
وسط كل ده حصلت حاجتين مهمين ا ولا عملية استشهادية لسرايا القدس راح فيها صهاينة كتير وكان رد حكومة حماس لحظتها ممثلة في اسماعيل هنية ان ده حقنا المشروع في الدفاع عن ارضنا وان حماس ايد بتبني وايد بتقاوم وفلسطين ارضنا ولا نستطيع ان نعاقب من يدافع عن ارضه وده رد ضايق ابو مازن اللي متعود علي وصف العمليات الاستشهادية بالحقيرة ومتعود انه يعتقل اقارب الاستشهاديين وينكل بيهم
وثانيا كان العملية الضخمة اللي قامت بيها كتائب القسام وخطفت فيها عسكري صهيوني وقتلت كتير في عملية ممتازة كان ليها اثر كبير بعد كده وقصاد كل ده مكنش ادام الامريكان والصهاينة غير حل واحد هو اللي فاضل انهم يسلطوا التيار العميل داخل فتح علي خلخلة الامور وبيان ان الحكومة مش عارفة تحكم الناس حتي تصل الامور لما وصلت اليه منذ ايام

طب ازاااااااااااااي
اقولك ازاي

في بداية تشكيل حكومة حماس قام العميل الاكبر والمدعو محمود عباس بمجموعة اجراءات منها مثلا نزع صلاحيات من ناس كتير قوي ووضعها في ايده هو والمساعد بتاعه محمد دحلان وكان اهم الصلاحيات دي هي وزارة الداخلية والامن بمعني ان جهاز الامن الوقائي والمخابرات خاضعين مباشرة ليه هو ، حرس الرئاسة اللي الكونجرس الامريكي مولها باكتر من 68 مليون دولار امريكي سلاح وتدريب في مصر والاردن تابعة ليه هو ، السلطة والسيطرة علي المعابر في ايده هو ، طب ان شاء الله ايه لزمة وزير الداخلية بقي ؟؟؟ وده كان سبب في استقالته لان بالطريقة دي مبقاش ليه لزمة ، مش بس كده انما كمان عين اكتر شخصية منبوذة ومكروهة من جميع الفصائل داخل فلسطين اللي هو محمد دحلان في تاني اكبر منصب في الدولة اللي هو مستشار الامن القومي اللي ليه الحق انه يشرف علي كل الاجهزة الامنية دي







وبمعني ادق الاجهزة دي هو مش مشرف عليها انما تقدر تقول هو اللي بناها اساسا وده مش كلامي ده كلام واحد من الصهاينة لما وقف يعلن للعالم ان القوات اللي اسسها محمد دحلان بفلوس امريكا ودعم الصهاينة انهارت تماما وده بعد انتصار حماس في غزة
القوات دي كان ليها اكبر دور بعد كده في احداث اكبر حالة من الفوضي وعدم الامان داخل القطاع وبطريقة يمكن مكنتش بتحصل اثناء وجود الصهاينة في القطاع عن طريق خطف اعضاء حماس او من يشتبه في انتمائهم لحماس من ذوي اللحي وتعذيبهم بابشع طرق في مقرات الامن الوقائي وكمان قتل المجاهدين عن عمد في وضح النهار والليل وعن طريق معابر علي الطريق للتفتيش بطرق مهينة طالما انت من حماس وكأننا نتحدث عن عصابات الصفويين وجيش المهدي في العراق
كل ماسبق كان في الخفاء ودون ان يدري احد ودون ان تنشر وسائل الاعلام أي شئ عن هذا وكان لابد لهم من حجة علنية شرعية وده كان متمثل في مجموعة من الاضرابات والاعتصامات لافراد الامن في الشوارع احتجاجا علي عدم صرف رواتبهم في ظل ظروف الحصار المفروضة علي القطاع ولاول مرة نجد من يتحدث عن ظروف صعبة بسبب الحصار امال كانوا بيعملوا ايه ايام الصهاينة ، وكل كام يوم اعتصام واضراب وتخريب ود مار للقطاع وهكذا
كلامي ده مش كلام مرسل انما هو موثق بالصور والوثائق

انظر معي ماذا فعلوا بمرافق الشيخ اسماعيل هنية





ومافعلوه بالمجاهد اسماعيل سالم احد ابناء حماس







وصل بهم الحد الي خطف ابن شقيق الدكتور عبد العزيز الرنتيسي وقتله بطريقة بشعة






هذا جزء صغير مما فعله التيار الإنقلابي في حركة فتح بشمال قطاع غزة
المزيد من الصور المؤلمة تجدونها هنا

http://www.paltimes.net/arabic/?action=detile&detileid=1898


ولكن مهلا
الامور ليست كذلك كلها علي وتيرة واحدة فهناك جهاز تم تاسيسه من قبل حركة حماس شاركت فيه كافة الفصائل بنسبة كبيرة تفوق نسبة مشاركة حماس وهو القوة التنفيذية في محاولة للوقوف امام تلك الاجهزة العميلة ومحاولة لتكوين جهاز امني تكون للحكومة والشعب السيطرة عليه
وايضا لم تقف حماس عاجزة امام الحصار انما طاف قادتها بالدول العربية والاسلامية لجمع التبرعات لصرف الرواتب لاولئك المعتصمون وسبحانك يارب كل كام يوم الشرطة تمسك باحد القياديين علي احد المعابر ومعاه فلوس عايز يهربها للقطاع ، اكيد يعني مش داخل يحطها في خزنته واكيد كمان انه عايز يحل مشكلة الرواتب والحصار المفروض لكن للاسف الفلوس كانت بتتصادر والمشكلة عمالة بتزيد




في المدة الاخيرة زادت حملة التضييق واصبح وجه اولئك العملاء مكشوف للجميع فاخذوا يقتلون الناس ويعتقلوا المجاهدين ويعذبوهم في سجونهم واخذوا ينشروا الرعب في القطاع وكان لابد للقوة التنفيذية من رد واضح وسريع وهنا بدات الاضطرابات وحالة الفلتان الامني داخل قطاع غزة واللي هللت لها الصحف والفضائيات كثيرا
وفي محاولة لراب الصدع قام امير السعودية بجمع الطرفين امام الحرم ليتفقوا علي وقف الاقتتال ومحاسبة المسئول وذلك في 8/2/2007 فيما عرف باتفاق مكة الذي كان اهم حاجة فيه هو تشكيل حكومة الوحدة الوطنية ، لاحول ولاقوة الا بالله طب ماكان من الاول ، ورغم كده ورغم قسمهم ادام الكعبة علي كده حنث العملاء الدحلانيين بوعدهم واستمروا في حالة الفلتان الامني واستقال السيد هاني القواسمي وزير الداخلية الفلسطيني في حكومة الوحدة وهنا ظن جهاز الامن الوقائي العميل والمخابرات العامة وقائدهم محمد دحلان انهم القوة الضاربة وانه لا رادع لهم فقد استطاعوا اسقاط الحكومة وجعلوا ثلاثة وزراء للداخلية يستقيلوا وهم سعيد صيام من حكومة حماس وهاني القواسمي من حكومة الوحدة ومن قبلهما وزير الداخلية في حكومة فتح قبل الانتخابات التشريعية واستمرت حالة العصيان واستمرت جرائم فظيعة يندي لها الجبين

من فضلك استني شوية
لحد كده وناس كتير يمكن متعرفش اللي حصل وناس كتير متعرفش غير حملة التضليل الاعلامي للي قادتها الصحف
والفضائيات واصبح اهم عناوين الجرائد والمواقع والقنوات كل يوم

غزة علي وشك حرب اهلية
الفلسطينيون كرهوا حماس وفتح
انهيار شامل للوضاع الامنية في غزة
حرب فتحاس علي اليوتيوب
صراع الاخوة الاعداء حماس وفتح
اتفاق جديد للتهدئة بين حماس وفتح
اكثر من 220 قتيل في اشتباكات والحرب تدخل نقطة اللاعودة

لحد ما الناس كرهت الاتنين ولعنتهم وفاكراهم بيتصارعوا علي قضية وهمية وهي السلطة في ظل الاحتلال وللدرجة اللي خلت ناس تسال
قتلي حماس وفتح هل هم في الجنة ام في النار ؟؟؟؟؟؟
اضغط واقرا الفتوي

عموما
بعد كل الانتهاكات من قبل العملاء اللحديين لم يكن امام قادة حماس سوي مواجهة الامر بالحزم والقوة وبدات حملة شاملة لتطهير القطاع من الخونة والعملاء وفي ايام معدودات سيطرت كتائب القسام علي جميع المقار الامنية وجميع مقار العملاء في قطاع غزة وسقطت معاقل اللحديين في ايدي ابناء القسام في صورة ظن العالم انها تحرير جديد للقطاع لما راوه من اناس يسجدون شكرا لله واخذوا يتهكمون علي هؤلاء الذين يشكرون الله علي نصرهم علي اخوانهم وذلك كما قلت سابقا جزء من حملة التضليل الاعلامي















سؤال مهم ؟؟؟؟؟ظ؟
كتائب القسام دخلت المقار الامنية زي الامن الوقائي والمخابرات وغيره فماذا وجدت ؟؟؟؟؟؟
نظرة صغيرة علي ماهو ات لتعلم ماذا وجدوا ....
1 ) لوح سيارات عليها علامات الجيش الصهيوني
2 ) اجهزة اتصالات وتصنت علي احدث صورة
3 ) جثث لكتير من اللي خطفهم العملاء وكانوا بيعذبوهم فقط لانهم ينتموا لحماس او لانهم ملتحين
4 ) مستندات هي الاخطر في تاريخ فلسطين واشياء كتيرة تعبت من عدها لكن جبتلكم جزء منها








ودي فيديوهات لما وجد داخل المقار وفيديوهات لاقتحام مقار الامن الوقائي

روابط للتجميل المباشر

دخول كتائب العز القساميه لمقر الامن الوقائي سابقا وسجدة شكر من الكتائب داخل المقر
أرقام سيارات صهيونيه صفراء وعليها علم دولة الكيان الصهيوني موجود فى المقر
كتائب القسام تقوم باسعاف احد الجرحى من الامن الوقائى
استسلام أفراد جهاز الأمن الوقائى وتسليم أنفسهم
الفرحه الأوليه بالقرب من مقر الامن الوقائى
أطفال غزه توزع الحلويات على المواطنين فرحا بالسيطره




وعشان تتاكد من اهمية اللي لقوه يكفيك رود الافعال اللي اتقالت من جانب الصهاينة زي
مثلا
واخد بالك من كارثة القرن
لنكات ومواضيع مثيرة للاشمئزاز
حسبي الله ونعم الوكيل

لاحظ في كل اللي فات ان خوف الصهاينة الاكبر هو وقوع كنز المستندات اللي بيكشف العملاء والعملاء المزدوجين والخونة وليكشف حقيقة ماكان يدار داخل هذه المقرات وعلي فكرة اهم سؤال كان بيسالوه للناس اللي اعتقلوهم كان عن مكان العسكري الصهيوني المخطوف ودي معلومة للي يقدر يفهم اللي وراها
الموضوع هنا منتهاش لان ببساطة الحكومات العميلة اللي تواطات مع الصهاينة اقلقها سيطرة حماس علي قطاع غزة والصهاينة والامريكان كذلك اللي للمرة المليون دفعوا العميل الاكبر المسمي بابومازن لاخذ قرار بتشكيل حكومة طوارئ واقالة الحكومة الشرعية المنتخبة اللي جت بارادة الشعب وعبر انتخابات حرة
ومش هقول هنا مين اللي صح ومين اللي غلط لكن بص لرد فعل الصهاينة والامريكان وانت تعرف بجد مين العميل والخاين

اولا
بوش وأولمرت يدعمان حكومة الطوارئ الفلسطينية

وده لنك برضه

مش بس كده اسرائيل كمان قطعت المياه والنور والوقود عن قطاع غزة ووزير الخارجية المصري بيعلن انه لااعتراف الا بحكومة الطوارئ اللي كلفها ابو مازن ومش بس كده
لنك مهم


وشهد شاهد من اهلها
اللنكات اللي جاية عشان بس تببقي الصورة وضحت وان الكلام اللي فات مش افترا علي أي حد
واسف جدا اني مقدرتش اجيب ترجمة للملف بتاع دير شبيجل لانه ده لوحده بكل اللي فات

اخيرا وليس اخرا

لحد هنا وانا اسف مضطر اقف انا عارف اني اتكلمت كتير قوي لكن صدقوني اللي اتكتب ده كان تلخيص للمرة العاشرة من الملف الاصلي اللي انا كتبته واللي محبتش اضايقكم بكافة تفاصيله انا فاضلي نقطتين بالظبط او 3 نقط هما اللي فاضلين انا شفت انهم محتاجين دراسة وكلام اوسع ومحبتش ان الكلام اللي اتكتب فوق يدخل في بعضه
عموما
اتمني اكون قدرت اوصل لرؤية شاملة للي حصل وان الموضوع مش حرب بين فتح وحماس ولا حرب بين كتائب القسام وشهداء الاقصي الموضوع كله حرب بين الفلسطينيين كلهم وتيار العملاء الانقلابيين اللحديين بزعامة دحلان والمدهون وعباس وغيرهم اتمني ايضا الا تنساقوا وراء ماذكر في وسائل الاعلام

من اروع ماكتب في ذلك الموضوع اتمني ان تتابعوه

مقالة الاستاذ فهمي هويدي

صور وفيديوهات رائعة تجدونها عند

الحسم العسكري لحماس في غزة..ماذا بعد ؟؟؟؟



الي ان القاكم في الحلقة الثانية اسالكم الدعاء لاهلنا في فلسطين بالنصرة والثبات وان يعينهم الله علي ماهم فيه


الثلاثاء، 12 يونيو 2007

(بحلم وليه لأ ( 1

البيان

مقتل 70 جندي امريكي واصابة اكثر من 320 اخرين في مواجهات دامية مع كتائب سيوف الحق فيما يعد اقل عدد من القتلي يقع منذ اكثر من ستة اشهر

المقاومة الاسلامية تعلن دحر القوات الامريكية واستيلائها الكامل علي مدينة الفلوجة وتعطي مهلة 12 ساعة للجيش الامريكي لرفع القتلي والجرحي

انسحاب اخر جندي من القوات متعددة الجنسيات بعد هجمات مكثفة استهدفتهم من قبل كتائب سيوف الحق في الوقت الذي اعلن فيه زيادة عدد القوات الامريكية لتحل محل القوات متعددة الجنسيات محاولة منهم لوقف هجمات سيوف الحق

بيان للمقاومة الاسلامية تعلن فيه اختطاف رئيس الجمهورية العراقي ورئيس الحكومة ورئيس البرلمان واكثر من 14 وزير في الحكومة ردا علي اعتقال احد افراد المقاومة من قبل قوات الشرطة العراقية

الولايات المتحدة تعلن عن جائزة قدرها مليار دولار لمن يدلي بمعلومات تفيد في القاء القبض علي قائد كتائب سيوف الحق

بيان جديد للمقاومة الاسلامية تعلن فيه الافراج عن كل من اختطفتهم بعد ان افرجت الشرطة عن فرد المقاومة الذي اعتقلته

اسقاط 19 مروحية هليوكوبتر و 7 طائرات اباتشي في مواجهة مفتوحة بين الجيش البريطاني في البصرة وكتائب سيوف الحق والتقديرات الاولية للقتلي البريطانيين بالمئات

المقاومة الاسلامية تعلن اسرها 35 جندي امريكي واستيلائها علي 3 مروحيات هليوكوبتروتذيع لقطات فيديو موثقة للمواجهات وتتوعد بانتقام شديد لشهدائها الثلاثة الذين سقطوا اثناء المواجهات


سلاح الجو الامريكي يعلن انسحلبه من الحرب واكتفائه بنقل المؤن والجنود بعد استمرار سقوط الطائرات واسرها باعداد رهيبة من قبل المقاومة الاسلامية وكتائب سيوف الحق

كتائب سيوف الحق بقيادة عمرو المصري تعلن استيلائها علي القاعدة الامريكية في مطار بغداد واسرها للقائد العسكري للقاعدة وجميع القادة فيها بعد هرب من كانوا فيها من الجنود خشية من الوقوع في قبضة سيوف الحق

عمرو المصري يعلن في تسجيل مصور له علي مدونته ارض الحرب انه يمهل القوات الامريكية اقل من 10 ساعات للافراج عن جميع الاسري من نساء واطفال ورجال المسلمين

جماعة جند الله وجماعة جيوش الفاتح وهم من اكبر فصائل المجاهدين تعلنان انضمامهما لكتائب سيوف الحق وذلك عقب انضمام جميع فصائل الجهاد لسيوف الحق وتكوين مجلس شوري الاستشهاديين بقيادة عمرو المصري

بيان للمقاومة الاسلامية تعلن فيه مباركتها لانضمام جند الله وجيوش الفاتح لكتائب سيوف الحق وترسل برسالة مباركة وتاييد لعمرو المصري وجميع الاستشهاديين

واخيرا وليس اخرا

مجلس شوري الاستشهاديين يعلن في بيان رسمي له علي مدونة ارض الحرب استشهاد عمرو المصري في مواجهات مسلحة مع خمسة فرق من الكوماندوز الامريكي اسفرت عن استشهاده وسبعة من المجاهدين ومقتل اكثر من الفي جندي امريكي واصابة المئات واعطاب اكثر من 80 دبابة والية مدرعة

المقاومة الاسلامية تنعي الشهيد عمرو المصري في بيان لها وترسل برسالة تعزية لكتائب سيوف الحق وجميع المجاهدين وتعد بمواصلة الجهاد وفاء لروح الشهيد

المقاومة الاسلامية تعلن انضمامها وجميع من يتبعها من المجاهدين لكتائب سيوف الحق وتكوين اكبر اتحاد من جيوش المجاهدين سمي بكتائب الشهيد عمرو المصري كان له اكبر دور بعد ذلك في خروج الصليبيين من ارض الرافدين حيث كانت لهم رسالة واضحة لم يتخلوا عنها منذ اعلان اتحادهم معا
نحن لن نستسلم ننتصر او نموت



مهلا انتظر قليلا

اعلم ان القارئ للسطور السابقة سيصاب بالدهشة لاول الامر ثم سيتبين له انها سطور من تخيلي واعلم ايضا ان هذه المقتطفات لم تكتب قط في الشريط الاخباري لاي قناة في الدنيا ولم يلقها أي شخص ولو علي سبيل المزاح

ولكن هذه الاخبار هي جزء كبير من حلمي لامتي وهو حلم لا اتخيله بعيدا بل هو اقرب مما تتصور وعما قريب ستثبت لك الايام ذلك وستجد القنوات الاخبارية تحفل بتلك الاخبار ومثيلاتها

وفي الوقت الذي تجلس فيه انت فاغرا فاك – الكلام للي مش متخيل الموضوع – مذهولا بما تشاهده علي احدي القنوات يجلس بقية المسلمين يشاهدوا قناة اخري تنقل وقائع دفن اخر جندي امريكي في مقبرة جماعية هي الاكبر في التاريخ وذلك بعد ان رفضوا الانسحاب رغم قتلاهم الكثيرين والذين اخذوا يتساقطون كل يوم بالمئات

لاتسالني متي سيحدث هذا ولا كيف سيحدث ولا من هي المقاومة الاسلامية التي لم تعلن لها وجهة سواء سنة او شيعة او غيرها ولاتسالني ايضا من هم سيوف الحق وجند الله وجيش الفاتح ولا من هو عمرو المصري الذي توحدت جميع فصائل الجهاد بعد استشهاده ؟؟؟؟؟؟؟؟

لاترهق نفسك بالسؤال عن كل هذا لانه في تلك اللحظة لن تجدي الاسئلة
وسياتي ذلك اليوم الذي يذهب فيه السائحون لزيارة العراق لتكون وجهتهم الاولي هي المتحف الحربي والذي يحكي قصة دحر القوات الامريكية وعرض لما تبقي من اثارهم وفي اخر المتحف يجدون صورة لشخص ملثم مكتوب تحتها عمرو المصري اسد الاستشهاديين في ارض الحرب

وسياتي ايضا اليوم الذي يحتفل فيه جميع المسلمين بدحر الامريكيين ويكون ذلك يوم عطلة رسمية في العراق وغير العراق وانا مصر علي كلمة دحر وليس مجرد هزيمة فهم لن ينسحبوا من العراق مهزومين لانهم ببساطة سيدفنون هناك ؟؟؟؟؟؟؟؟؟


الأربعاء، 6 يونيو 2007

عائد من الحرب

السلام عليكم ورحمة الله وبركاته
انا رجعت من الحرب ياجدعان - الامتحانات يعني – وبفضل ربنا عليا رجعت سالم غانم منتصر لكن كالعادة كل حرب ولازم فيها خسائر ولو بسيطة عموما مش مهم المهم اني رجعت تاني لارض الحرب عشان نحارب بجد مش مجرد حرب علي الورق

في البداية احب اشكر كل واحد افتكرني بدعواته اثناء الامتحانات
بس عندي خبر تاني مهم هو اني قررت الغي موضوع المجلة
هو الحكاية كلها اني من وقت للتاني باكتب حاجات خفيفة كده ملهاش علاقة بارض الحرب يعني قصص واشعار وخواطر وكنت ناوي اعمل مدونة للحاجات دي بس تكون مستقلة بذاتها لكن بصراحة شلت الموضوع من دماغي لاسباب مش هينفع اقولها دلوقتي

عموما انا قررت انشر الحاجات دي في المدونة هنا من وقت للتاني
من باب روحوا عن القلوب ساعة بعد ساعة فان القلوب تمل والحياة مش كلها حرب يعني
وكنوع من اني اريح الناس مني شويتين والحاجات دي هتشوفوها علي فترات في المدونة وان شاء الله تعجبكم




التاج علينا حق

مكنتش متخيل ان في مدون هيمرر لي تاج حتي لما كنت باقرا تاجات عند ناس تانية مكنتش باهتم باني اشوف هما هيمرروا التاج ده لمين لاني كنت متاكد اني مش منهم لان انا اساسا عارف ان زوار المدونة ميكملوش خماشر بني ادم لكن اول مارجعت للكومبيوتر اذ افاجا ان في تاج جالي من مدونة صديقة ساعتها والله فرحت جدا لما لقيت ان في بني ادم - بني ادمه – بدا يتابع بجد اللي بكتبه وعشان كده قررت ان اول حاجة هاضيفها هي التاج

ملحوظة صغيرة
مش عايزين حد يضحك ولايتريق علشان منخسرش بعضينا
انا بقولكوا من اولها اهو

@@@@@@@@@@@@
من هو:أحب شخص لقلبك في الدنيا ؟

بعد النبي عليه الصلاة والسلام بحب كل واحد بيقول لا اله الا الله محمد رسول الله

انسان مستعد تضحي بحياتك – ركز في كلمة حياتك علشانه ؟

سؤال صعب لو كان النبي عايش كنت رديت من غير تردد
اما دلوقتي يعني ممكن اقول امي وابويا

اسم أول حب؟
امي وابويا وخااااااالي اللي دلوني علي طريق ربنا

اسم اخر حب(حتى الان)؟

المسلمين في ارض الحرب بوجه عام

ما هو :اسم أجمل كتاب كتبه بشر قرأته ومحتفظ به حتى الان ؟

انا بصراحة قريت كتب ملهاش اول من اخر لكن محتفظ دي صعبة شوية لكن ممكن اقولكم شوية حاجات منها مثلا

الخالدون مائة اعظمهم محمد
سير اعلام النبلاء
الفوائد لابن القيم
مؤلفات الشيخ احمد ديدات
ساحر الصحراء باولو كويلهو
ايات الرحمن في جهاد الافغان للشيخ عبد الله عزام
رجال حول الرسول
احياء علوم الدين

عندي كتاب تحفة اسمه
مذكرات الدكتور الشهيد عبد العزيز الرنتيسي


اسم كتاب-كتبه بشر برضة- انت متعلق بيه وبتقرأه كل فترة؟

مش عارف بقي لو كنتوا سمعتوا عن الدكتور خالد ابوشادي ولا لأ
هو لي 3 كتب انا مليش غني عنهم ابدا

سباق نحو الجنان
صفقات رابحة
رحلة البحث عن اليقين

وفي قصة للدكتور نبيل فاروق اسمها الموت لا ياتي مرتين

اهم جهاز منزلى انت متعلق بيه او بتستخدمه كتير ؟

الكومبورتر طبعا

شئ تحس بالراحة النفسية عندما تنظر اليه ؟

صورة المسجد الاقصي والكعبة

مكان تحس فيه بالحنين الي شئ لاتدري ماهو وذكريات جارفة الي لاشئ ؟

لما بقف ع النيل ولما باعدي من ادام مدرستي القديمة
ايييييييييييييييييييييييييييه
كانت ايام

مكان تحس بالراحة عندما تدخله ؟
المسجد اساسي بعديه المكتبة وسط الورق والمجلدات وكده يعني

اجمل مدينة زرتها داخل مصر ؟

والله انا مخرجتش بره منطقتي كتير
لكن لو السؤال اجمل مدينة شفتها في احلامك او حتي احلام اليقظة ممكن اقول
القدس القديمة وبغداد قبل الغزو


أجمل مكان طبيعي رأيته داخل مصر؟
منظر النيل لحظة الغروب

نوع هاتفك المحمول ؟
بصراحة معنديش لاني مش محتاجه اساسا
كفاية الكومبروتر عليا
باعرف اصرف اموري من غيره

سرعة بروسيسور جهازك ؟
معنديش فكرة اهو شغال مبيقولش لا

حجم ذاكره-هارد جهازك ؟
ثمانوووووووووووووووووون


المساحة التى تشغلها المواد الاسلامية على جهازك ؟
ثلاثة وخمسسسسسسسسسسسسسسسسسسسسسسسسسسسسسون


نفس المساحة السالف ذكرها فى قلبك-الاجابة لنفسك عشان الرياء يا اخواننا ؟

لا طبعا الجهاز شرك مع اخواتي عشان كده المساحة محدودة اما قلبي ده بتاعي النص اليمين فيه الاسلام والنص التاني فيه ارض الحرب بكل مافيها ومن فيها


اهم هدف انت واضعه لحياتك دلوقتي ؟
اخلص الدراسة بتقدير كويس عشان الواحد يستريح مستقبلا بعد كده ويتفرغ باه لارض الحرب


مواصفات فتاة –أو فتى للبنات- الأحلام بالنسبة لك ؟

والله هو فيه صفتين اساسيتين عشانها هي والله مش عشاني
الاولي تكون علي قدر معقول جدا من التدين والارتباط مع ربنا
التانية انها تكون مجنونة رسمي او علي الاقل عندها ربع ضارب لاني
متا كد ان مفيش بني ادمة عندها ذرة عقل تقبل ترتبط بواحد بيعمل اللي انا باعمله طول النهار والليل

صف ما يأتى :شعورك لما بتسمع كلمة مصر؟

شعورين
الاول شعور عميييييييييييييق بالغربة

التاني باقعد افتكر مصر اللي خرج منها صلاح الدين الايوبي وقطز عشان يحموا الاسلام والمسلمين وبحلم باليوم ده تاني بس بدل صلاح الدين وقطز يكون العبد لله علي راس الجيوش

الي الجهاااااااااااااد


شعورك لما بتسمع كلام عن اليهود ؟

قسما
ساثار لكن
لرب ودين


شعورك لما بتشوف ظابط شرطة ؟
شعور بالشفقة
الناس دي هتقول لربنا ايه يوم القيامة لما يسالها


شعورك لما بتشوف الكناس العجوز فى الطريق ؟
الحمد لله علي نعمه التي لاتنقطع

لون البطانية اللى بتتغطى بيها فى الشتاء ؟
مش عارف ايه لزمة السؤال
بس عموما
اخضر


لون الجورب-الشراب- المفضل لديك ؟
ولا عارف كمان ايه لزمة ده
بس برضه عموما
اسود


احساسك اذا داست قدمك علي مخلفات اخراج حيوان *** - ولامؤاخذة- ؟

ولو انها مقرفة
بس بافتكر كلمة النبي فيما معناه
عجبا لامر المؤمن امره كله له خير حتي الشوكة يشاكها يغفر الله له بها خطيئة
او كما قال سيد ولد ادم
@ ماتصلوا عليه @

انا همرر التاج ده ل 3 مدونين بس مش عارف بقي اذا كان التاج هيوصلهم ويردوا عليه ولا كالعادة مش هلاقي صدي او رد للي كتبته مين عارف
انا عموما لقيت التاج عند ناس كتيييييييييييييييييير
لكن عموما انا هامرر التاج ل
عصفور المدينة
رنين الصمت
حائر في دنيا الله
علا من غزةامام الجيل
امام الجيل
يحيي بن زكريا