السبت، 26 مايو، 2007

اعتذار


السلام عليكم ورحمة الله وبركاته علي كل الناس الموجودة في ارض الحرب
انا باعتذر ليكم كلكم عن انشغالي في الكام يوم الجايين دول في مهمة خاصة

انا بامتحن

وانتوا عارفين الامتحانات بقي كلها حرب برضه وكر وفر ومواجهات ساخنة وطبعا لازم فيه مصابين وجرحي واحيانا ميتين كمان ربنا يستر

واقبل ماروح المهمة دي عندي حاجتين عايز اقولهم ياعالم هارجع ولا هاستشهد هناك

المهم
اول حاجة ان شاء الله اول مارجع من المهمة
قصدي يعني اول مارجع من الحرب
يووووووه قصدي يعني اول مارجع من الامتحانات باستعد لاصدار مجلة علي الانترنت - هي مدونة عشان محدش يفهم غلط - هتكون لسان حال المحاربين في ارض الحرب وهيكون اسمها ولا بلاش مش هقول اسمها هاخليه
مفاجاة ليكم كلكم


وعلي فكرة المجال مفتوح ادام كل المدونين بلا استثناء اي حد انه يشارك بموضوعاته
وارائه في المجلة


وعلي فكرة كمان اسرة تحرير المجلة لسه بتتكون والمجال برضه مفتوح ادام كل المدونين المحاربين معانا في ارض الحرب انهم ينضموا لاسرة التحرير
وصدقوني انا هاكون سعيد جدا بكل بكل محارب \ محاربة هيشاركني في المجلة سواء بالمواضيع
او حتي بالراي

الحاجة التانية ياريت تفتكروني بدعائكم عشان الامتحانات ومش بس الدعاء ليا لا ولكل المسلمين كمان ان ربنا يوفقهم في الامتحانات وعلي فكرة الدعاء للمسلم بظهر الغيب ثوابه عند ربنا كبير
وهنيالك يافاعل الخير والثواب

خلاص بقي
استنوني بعد الامتحانات في العدد الاول من المجلة
وفي الحلقة الاولي من

اصحوا يابشر

واخيرا وليس اخرا
والله العظيم
اني احبكم في الله

الأربعاء، 16 مايو، 2007

سؤاااااااااااااااااااال

سؤال محتاج اجابة ؟؟؟؟؟

سؤال محيرني بقاله مدة كبيرة وعمال بيلح عليا كل ماافتح التليفزيون واقعد اتابع اخر اخبار ارض الحرب او حتي استقبل رسايل من مواقع اخبارية فيها اخر اخبار المتحاربين في ارض الحرب او حتي اقرا جرايد من أي بلد مش فارقة .
اعتقد كلكم فاكرين كلمة سيدنا عمر بن الخطاب لما قال
والله لو عثرت بغلة في العراق لخشيت ان يسالني الله لما لم تمهد لها الطريق ياعمر
واخد بالك هنا انه مهموم وخايف ربنا يسأله علي الحيوانات معني كده انه خلص كل التزاماته كحاكم لدولة مسلمة وخلص ضميره أدام ربنا من كل حاجة وعمل كل اللي عليه ومش فاضل غير انه يمهد الطرق للحيوانات

واعتقد كمان ان كلكم فاكرين موقفه لما خلي الراجل المصري البسيط يضرب ابن سيدنا عمرو بن العاص والي مصر وكان عايز الراجل كمان يضرب سيدنا عمرو لان الابن مكنش هيعمل كده لولا سلطان ابوه
يعني من الاخر هو ده حال المسلمين في عصرسيدنا عمر

السؤال بقي
تفتكر لو سيدنا عمر ربنا بعثه من الموت تاني في اللحظة اللي انت بتقرا الموضوع ده فيها وقعد أدام التليفزيون او الانترنت او مشي في الشوارع او قري جرايد وشاف اللي بيحصل للمسلمين في كل مكان في الدنيا
تفتكر هيقول ايه او هيعمل ايه او ايه ممكن يكون رد فعله علي اللي هيشوفه ويسمعه ؟؟!!!؟

لاحظ
انا هنا عايزك تستثني رد فعله علي حال المسلمين مع ربنا والتزامهم بثوابت دينهم وان كان ده هو حل المشكلة اساسا
وعايزك كمان تستثني رد فعله لو فكر يقلب التليفزيون علي قناة مش اخبارية اغاني مثلا او افلام او أي حاجة تانيةوشاف اللي فيها او اشتري جرايد اباحية او مشي في الشوارع وشاف شباب وبنات المسلمين الاتنين علي حد سواء ماشيين عرايا مش من الفقر لاسمح الله لكن بعيد عنك الموضة .
لكن
لكن انا عموما عايزك تتخيل رد فعله وهو بيسمع ان كام ميت مسلم اتقتلوا هنا وكام الف طفل مسلم ماتوا هنا وكام ميت مسلمة اغتصبت هناك
التفكير في رد فعل سيدنا عمر – مجرد التفكير – ارعبني ووصلني لنتايج مخيفة هقولكم عليها بس مش دلوقتي لما اشوف تخيلكم انتم هيوصلكم لحد فين
اتخيلوا وقولولي
انا مستني ردودكم وتعليقاتكم

السبت، 12 مايو، 2007

ليجيبني احدكم .......... ؟؟؟؟؟؟


من قال إن النفط أغلى من دمي؟


إلى أطفال العراق
شعر: فاروق جويدة

مادام يحكمنا الجنون‏..
سنرى كلاب الصيد تلتهم
الأجنة في البطون
سنرى حقول القمح ألغاماً
وضوء الصبح ناراً في العيون
سنرى الصغار على المشانق
في صلاة الفجر جهراً يصلبون
وحين يحكمنا الجنون
لا زهرة بيضاء تشرق
فوق أشلاء الغصون
لا فرحة في عين طفل
نام في صدر حنون
لا دين‏..‏ لا إيمان‏..‏ لا حق
ولا عرض مصون
وتهون أقدار الشعوب
وكل شيء قد يهون
مادام يحكمنا الجنون
‏*****
أطفال بغداد الحزينة يسألون
عن أي ذنب يقتلون
يترنحون على شظايا الجوع
يقتسمون خبز الموت‏..‏ ثم يودعون
شبح‏ "الهنود الحمر"‏ يظهر في صقيع بلادنا
ويصيح فينا الطامعون‏...
من كل صوب قادمون
من كل جنس يزحفون
تبدو شوارعنا بلون الدم
والكهان في خمر الندامة غارقون
تبدو قلوب الناس أشباحاً
ويغدو الحلم طيفا عاجزاً
بين المهانة‏..‏ والظنون
هذي كلاب الصيد
فوق رؤوسنا تعوي
ونحن إلى المهالك مسرعون‏..
‏*****
أطفال بغداد الحزينة
في الشوارع يصرخون
جيش التتار
يدق أبواب المدينة كالوباء
ويزحف الطاعون
أحفاد "هولاكو"
على جثث الصغار يزمجرون
جثث الهنود الحمر تطفو
فوق أعمدة الكنائس والثرى يغلي
صراخ الناس يقتحم السكون
أنهار دم فوق أجنحة الطيور الجارحات
مخالب سوداء تنفذ في العيون
مازال دجلة يذكر الأيام‏..
والماضي البعيد يطل من خلف القرون
عبر الغزاة هنا كثيرا‏ً..‏ ثم راحوا
أين راح العابرون؟‏!
هذي مدينتنا‏..‏ وكم باغ أتى
ذهب الجميع ونحن فيها صامدون
سيموت "هولاكو"
ويعود أطفال العراق
أمام دجلة يرقصون
لسنا الهنود الحمر
حتى تنصبوا فينا المشانق
في كل شبر من ثرى بغداد
نهر‏..‏ أو نخيل‏..‏ أو حدائق
وإذا أردتم سوف نجعلها بنادق
سنحارب الطاغوت فوق الأرض
بين الماء‏..‏ في صمت الخنادق
إنا كرهنا الموت لكن
في سبيل الله نشعلها حرائق
ستظل في كل العصور وإن كرهتم
أمة الإسلام من خير الخلائق
‏*****
أطفال بغداد الحزينة
يرفعون الآن رايات الغضب
بغداد في أيدي الجبابرة الكبار
تضيع منا‏..‏ تغتصب
أين العروبة‏..‏ والسيوف البيض
والخيل الضواري‏.. ‏والمآثر‏.. ‏والنسب؟
أين الشعوب وأين كهان العرب؟!
في معبد الطغيان يبتهل الجميع
ولا ترى غير العجب‏..
البعض منهم قد شجب
والبعض في خزي هرب
وهناك من خلع الثياب
لكل جواد وهب‏..
في ساحة الشيطان
نقرأ ‏"سورة‏" الدولار!
يسعى الناس أفواجاً
إلى مسرى الغنائم والذهب
والناس تسأل عن بقايا أمة تدعى"‏العرب"!‏
كانت تعيش من المحيط إلى الخليج
ولم يعد
في الكون شيء من مآثر أهلها
ولكل مأساة سبب
باعوا الخيول‏..
وقايضوا الفرسان في سوق الخطب
فليسقط التاريخ‏..‏ ولتحيا الخطب
أطفال بغداد الحزينة يصرخون
يأتي إلينا الموت في لبن الصغار
يأتي إلينا الموت في اللعب الصغيرة
في الحدائق‏..‏ في الأغاني
في المطاعم‏..‏ في الغبار
تتساقط الجدران فوق مواكب التاريخ
لا يبقى لنا منها‏..‏ جدار
عار على زمن الحضارة أي عار
من خلف آلاف الحدود
يطل صاروخ لقيط الوجه‏..
لم يعرف له أبداً مدار
ويصيح فينا‏:
أين أسلحة الدمار؟‏!
هل بعد موت الضحكة العذراء فينا
سوف يأتينا النهار؟
الطائرات تسد عين الشمس
والأحلام في دمنا انتحار
فبأي حق تهدمون بيوتنا
وبأي قانون
تدمر ألف مئذنة‏..‏ وتنفث سيل نار
تمضي بنا الأيام في بغداد
من جوع‏..‏ إلى جوع
ومن ظمأ‏..‏ إلى ظمأ
ووجه الكون جوع‏..‏ أو حصار
يا سيد البيت الكبير
في وجهك الكذاب
تخفي ألف وجه مستعار
نحن البداية في الرواية‏..
ثم يرتفع الستار
هذي المهازل لن تكون نهاية المشوار
هل صار تجويع الشعوب
وسام عز وافتخار؟‏!
هل صار قتل الناس في الصلوات
ملهاة الكبار؟‏!
هل صار قتل الأبرياء
شعار مجد‏ وانتصار؟!
أم أن حق الناس في أيامكم
نهب‏..‏ وذل‏..‏ وانكسار
الموت يسكن كل شيء حولنا
ويطارد الأطفال من دار‏.. ‏لدار
مازلت تسأل‏:
أين أسلحة الدمار؟!
‏*****
أطفال بغداد الحزينة
في المدارس يلعبون
كرة هنا‏..‏ كرة هناك
طفل هنا‏..‏ طفل هناك
قلم هنا‏..‏ قلم هناك
لغم هنا‏...‏ موت‏..‏ هلاك
بين الشظايا
زهرة الصبار تبكي
والصغار على الملاعب يسقطون
بالأمس كانوا
كالحمائم في الفضاء يحلقون
‏*****
في الكوفة الغراء
عطر من عبير المصطفى
فجر أضاء الكون يوماً
لا استكان ولا غفا
يا آل بيت محمد‏..
كم حن قلبي للحسين‏.. ‏وكم هفا
غابت شموس الحق والعدل اختفى
مهما وفى الشرفاء في أيامنا
زمن‏"‏النذالة‏" ما وفى..‏
مهما صفا العقلاء في أوطاننا
بئر الخيانة ما صفا..
بغداد يا بلد الرشيد
يا قلعة التاريخ والزمن المجيد
بين ارتحال الليل
والصبح المجنح لحظتان
موت‏..‏ وعيد
ما بين أشلاء الشهيد
يهتز عرش الكون في صوت الوليد
ما بين ليل قد رحل
ينساب صبح بالأمل
لا تجزعي بلد الرشيد
لكل طاغية‏..‏ أجل
‏*****
طفل صغير‏..
ذاب عشقاً في العراق
كراسة بيضاء يحضنها
وبعض الفل‏..‏ بعض الشعر والأوراق
حصالة فيها قروش
من بقايا العيد‏..‏ دمع جامد
يخفيه في الأحداق
عن صورة الأب الذي
قد غاب يوما‏ً..‏ لم يعد
وانساب مثل الضوء في الأعماق
يتعانق الطفل الصغير مع التراب
يطول بينهما العناق
خيط من الدم الغزير
يسيل من فمه
يذوب الصوت في دمه المراق
تخبو الملامح‏..‏ كل شيء في الوجود
يصيح في ألم‏:‏ فراق
والطفل يهمس في أسى‏:
أشتاق يا بغداد تمرك في فمي
من قال إن النفط أغلى من دمي؟‏!
بغداد لا تتألمي
مهما تعالت صيحة البهتان
في الزمن العمي
فهناك في الأفق البعيد صهيل فجر قادم
في الأفق يبدو سرب أحلام
يعانق أنجمي
مهما تواري الحلم عن عينيك
قومي‏..‏ واحلمي
ولتنثري في ماء دجلة أعظمي
فالصبح سوف يطل يوماً
في مواكب مأتمي
الله أكبر من جنون الموت
والزمن البغيض الظالم
بغداد لا تستسلمي
بغداد لا تستسلمي
من قال إن النفط أغلي من دمي؟!‏
دعوة لكل ذي عقل لان يجيب علي اسئلة القصيدة
ثم ينظر لتلك الصور
التي هي نقطة في بحر
ويجيبني
من قال ان النفط اغلي من دمي ؟؟؟؟؟؟؟؟؟










الخميس، 10 مايو، 2007

اصحوا يا بشر ....؟؟؟؟

اصحوا يابشر

اصحوا يابشر مش مجرد عنوان قصدي بيه اني اشد انتباه كل واحد عينه هتقع علي العنوان عشان يقرا الكلام اللي مكتوب

اصحوا يابشر عنوان حملة هبدأها من هنا من ارض الحرب عشان كل الناس لازم تفوق ولازم تصحي عشان خلاص السكوت مابقاش ينفع والكلام لوحده من غير أي فعل مبقاش ليه أي لزمه

اصحوا يابشر لو حبيت تكتبها صح او حتي حبيت تقولها صح يبقي لازم تقول اصحوا يامسلمين ، اصحي ياكل واحد مؤمن بالاسلام وعارف ومتأكد ان ربنا بشرنا ان النصرة في الاخر للاسلام والمسلمين

اصحوا يابشر مش الهدف منها بس اني اقولك اصحي المسجد الاقصي بيتهد ، اصحي بلاد المسلمين محتلة ، اصحي المسلمين عمالين بيدبحوا في كل حتة ، اصحي المسلمات بيغتصبهم الصليبيين وبيتاجروا بعرضهم في كل مكان ،اصحي اطفال المسلمين عمالين بيموتوا كل يوم من الجوع والفقر وحاجات تانية كتير ،اصحي دين ربنا بقي اهون حاجة في الدنيا ممكن أي حد يتكلم فيها من غير ماحد يقوله انت بتقول ايه ولا بتعمل ايه ، اصحي لحاجات كتير من حواليك عمالة بتاخد منك كل حاجة ،كل حاجة بمعني كل حاجة لحد ماهتاخدك انت شخصيا


اصحوا يابشر لحاجات اكتر من دي بكتير جدا ، لكن للاسف الناس غفلانة عنها ومش حاسة بيها وياعالم ايه اللي هيحصل بعد كده

اصحوا يابشر حملة مش هتجيب أي نتايج لو اكتفينا بمجرد مصمصة الشفايف ومدح الكلام وعمالين كلام كلام وبس

اصحوا يابشر لان لازم نفوق ولازم نصحي عشان ببساطة لو مصحيناش دلوقتي يبقي مش هنصحي ابدا وربنا وحده اللي يعلم ايه اللي ممكن يحصل ساعتها

اصحوا يابشر حملة هنقف بيها في وش كل واحد بيهدم في الاسلام وبيزرع روح الياس في قلوب كل المسلمين

اصحوا يابشرضد كل حاجة غلط موجودة في مجتمعات المسلمين وعشان مش هينفع نغير بالكلام وبس وعشان كمان
ان الله لايغير مابقوم حتي يغيروا ما بانفسهم

انا بادعوا كل واحد بيقرا المدونة انه يشارك معايا في الحملة دي
واستنوني قريب جدا في الحلقة الاولي
اسالكم الدعااااااء




الجمعة، 4 مايو، 2007

لن تموت

لا .. لن تموت امتي
مهما اكتوت بالنار والحديد
لا .. لن تموت امتي
مهما ادعي المخدوع والبليد
لا .. لن تموت امتي
كيف تموت ؟؟؟؟
من راي من قبل هذا ميتا
يموت من جديد ؟؟
لافتات للشاعر احمد مطر

الثلاثاء، 1 مايو، 2007

لله درك ياهنية ....



عمرك في حياتك شفت رئيس وزراء او رئيس حكومة قاعد علي الرصيف في نص الليل بيافاف من البرد ولمدة 8 ساعات كاملة ؟؟؟؟؟ انا شخصيا شفت , اه والله مش باكدب اسماعيل هنية رئيس الوزراء الفلسطيني وللي مايعرفوش ده يبقي رئيس الوزراء الفلسطيني لحكومة حماس , الحكومة المنتخبة اللي جت بناء علي رغبة كل الشعب الفلسطيني مش بالكدب والتزوير زي ناس
ولو مش مصدقني شوف الصور اهي عندك











كان راجع من مصر داخل قطاع غزة والمعبر كان مقفول في وش الكل سواء كنت شخص عادي او حتي رئيس وزراء .
وانا اتحدي ان رئيس وزراء أي دولة في العالم ولو حتي العالم التالت يقعد نفس القعدة دي ويتحجز ويتمنع من الدخول بالشكل ده ويقف ساكت
.
اسماعيل هنية عموما من الشخصيات الفلسطينية اللي تستغربلها جدا فبالرغم من كل اللي حصل هو لسه ثابت علي موقفه مهما يعملوا مش هيعترف لاهو ولا حركة حماس كلها باسرائيل ومش هيعترف بالاتفاقات اللي قبل كده ومش هينفذها لما يبقي الصهاينة في البداية ينفذوها هما يبقي يفكر بعد كده
انا هنا مش هقارن كتير بين قادة حماس وقادة فتح لكن انا بس هاعرض عليكم شوية صور جبتها من مدونات تانية ومن مواقع مختلفةعلي الانترنت واحكموا انتم




ده اسماعيل هنية بينضف الشوارع في غزة عادي يعني
















والصورة دي لما كان في العمرة مش في ال .......
















ده كان واحد بيبني بيته واصر انه يساعده برضه عادي جدا











هنا كان بيلعب كورة مع الاطفال وده موضوع تاني
مش وقته هنا ...






نعم التلميذ لاعظم استاذ ....





خد بقا الصور دي من غير تعليق لان أي تعليق هيضطرني اقول كلام مش مظبوط





















لا تعلييييييييق




اظن انا مش محتاج اتكلم واقول اكتر من كده لان الصور شارحة نفسها خالص والفرق واضح بين طلاب الدنيا وطلاب الاخرة .
الفرق واضح بين واحد لاخر لحظة في عمره هيفضل يدافع عن ارضه ودينه وبين واحد تاني راح رمي نفسه في حضن اعدائه رغم انه عارف ان كل مرة مفيش نتيجة من السلام وان في نفس الوقت اللي قاعد مع اولمرت وبيريز وغيرهم بيعمل مؤتمر سلام هما عمالين بيدبحوا في اخوانه .
كل ما املك ان اقوله هو حسبي الله ونعم الوكيل





انا لسه عند كلامي اني متفائل جدا رغم كل ده امبارح الثلاثاء 24/4 كتائب القسام اعلنت انتهاء الهدنة مع الصهاينة وصواريخ المقاومة شغالة زي المطرة علي المستوطنات والصهاينة ياعيني مش عارفين يعملوا ايه وبيهددوا باجتياح قطاع غزة في حالة ان المقاومة رفضت وقف اطلاق الصواريخ
.




مش قولتلكم امل وامل كبير كمان دي مجموعة لينكات جبها من موقع اسلام اون لاين

http://www.islamonline.net/servlet/Satellite?c=ArticleA_C&cid=1177155946624&pagename=Zone-Arabic-News/NWALayout



انا ماحبتش يكون اول بوست اكتبه يكون تقيل كده لكن معلش سامحوني
انا عارف انه يمكن الكلام قديم حبتين ووقت الكلام فيه فات وان الكلام احتمال انه مكرر واتقال قبل كده .
لكن ده كان مجرد كلام محبوس جوايا حبيت انكم تشاركوني فيه
انا مستني ردودكم وتعليقاتكم علي الموضوع .

واخيراوالله العظيم اني احبكم في الله