الأحد، 29 أبريل، 2007

انا ليه عملت المدونة !!!!!

كلام كتير كان محبوس جوايا وحاسس بيه وعايشه جدا وبصراحة بقي صعب قوي اليومين دول تلاقي حد ببساطة يفهم دماغك فيها ايه اوبتفكر ازاي وبتحلم بايه وعايز تعمل ايه بالظبط .
انا زي ماقلت في وصف المدونة انا احلامي كبيرة جدا مش كلها احلام شخصية لكنها كلها احلام باحلمها للدنيا كلها من حواليا .
يمكن تكون دي هي المرة الاولي في حياتي اللي باكتب او باحكي فيها عن اللي جوايا وبصراحة شديدة ومن غير ماتخاف ان حد يتهمك انك مجنون او عايش في وهم كبير جدا اوعلي الاقل حد يشوف انك بتتكلم في كلام كبير قوي يودي ورا الشمس وهو بيحب يمشي جنب الحيط وانت واحد بايعها ع الاخر .
انا مش عايز اطول اكتر من كده كفاية اللي كتبته واسيبكم بقي مع تدويناتي او بمعني ادق احلامي اللي ان شاء الله انا نتاكد ان هييجي يوم وتتحقق .
وتتحول ارض الحرب
لارض الحب
ارض السلام
ارض الاسلام .